പ്രധാനമന്ത്രി വിള ഇന്ഷുറന്സ് പദ്ധതിയുടേയും കാലാവസ്ഥാധിഷ്ഠിത വിള ഇന്ഷുറന്സ് പദ്ധതിയുടെയും റാബി 2020-21 എന്ന പദ്ധതിയില് ചേരാനുള്ള അവസാന തീയതി ഡിസംബര് 31 ആണ്. പ്രധാനമന്ത്രി വിള ഇന്ഷുറന്സ് പദ്ധതിയില് ആലപ്പുഴ, കോട്ടയം, പത്തനംതിട്ട ജില്ലകളിലെ നെല്കൃഷിയും എല്ലാ ജില്ലകളിലെയും വാഴയും മരച്ചീനി കൃഷിയുമാണ് ഉള്പ്പെടുത്തിയിട്ടുള്ളത്.
കാലാവസ്ഥാധിഷ്ഠിത വിള ഇന്ഷുറന്സ് പദ്ധതിയില് നെല്ല്, കശുമാവ്, വാഴ, മാവ്, പൈനാപ്പിള്, കരിമ്പ്, കുടാതെ പച്ചക്കറി കൃഷികളായ പയര്, പടവലം, പാവല് എന്നിവയും ഇടുക്കി ജില്ലയിലെ ശീതകാല പച്ചക്കറികളുമാണ് ഉള്പ്പെടുത്തിയിട്ടുള്ളത്
ഓരോ വിളകള്ക്കും അവയുടെ ഇന്ഷുറന്സ് തുകയും പ്രീമിയം നിരക്കും വെത്യാസപ്പെട്ടിരിക്കും. ഈ പദ്ധതികളില് ഉള്പ്പെടുത്തിയിരിക്കുന്ന വിളകള്ക്ക് വായ്പ എടുത്ത കര്ഷകരെ അതാത് ബാങ്കുകള് നിര്ബന്ധമായും ചേര്ക്കേണ്ടതാണ്. വായ്പ എടുക്കാത്ത കര്ഷകര് ഏറ്റവും അടുത്തുള്ള സി. എസ്. സി. കേന്ദ്രങ്ങള് (ഡിജിറ്റല് സേവാ കേന്ദ്ര/അക്ഷയ), അംഗീകൃത ബ്രോക്കര്, മൈക്രോ ഇന്ഷുറന്സ് ഏജന്റ്, അഗ്രികള്ച്ചര് ഇന്ഷുറന്സ് കമ്പനി മേഖലാ ഓഫീസ് എന്നിവരുമായി ബന്ധപ്പെടേണ്ടതാണ്.
പൂരിപ്പിച്ച അപേക്ഷയോടൊപ്പം ബാങ്ക് പാസ്സ് ബുക്ക്, ആധാര് കാര്ഡ്, നികുതി/ പാട്ടച്ചീട്ട് എന്നിവയുടെ കോപ്പിയും നല്കേണ്ടതാണ്.
Post a Comment